دارميات منوعه لعيونكم

يهواي أنا مشتاگ واتمنى اشوفك *** لا اگدر انا بلياك ولا اگدر اعوفك



حبيته عشر سنين والهم كتلني *** تاليهه راح بيوم وماسأل عني





كون انكلب فديوم طير بقفصهم *** وبحجة التغريد احجي ويه بتهم



اقسم بداحي الباب وبدم لحسين *** اعميهه لو لحظات تنساكم العين



حتما يدنيا العين سالت دمعهه *** على الفطره حب حسين ربك وضعهه

هم همي هم الناس هم الليالي *** ياهو اليصل لهواي ويشكيله حالي
ج
ياهو اليصل لهواك كل هذا همك *** ما تدري من تروح شيصير بامك
ج
شنهي امي شنهي الناس شنهي الكرايب *** فركه حبيب الروح هي المصايب
ج
شالتك تسع اشهور والله ابطنها *** ما حطتك بالكاع دوم ابحضنها
ج
شالتني تسع اشهور شنهو استفاديت *** وانه ووليفي اليوم كل واحد ابيت
ج
حلفتك بعزرائيل شيال الاسرار *** امك تحب اتموت لو ولفك اختار
ج
لا وحك عزرائيل امر الله بيده *** امي العزيزه اتموت بس ولفي اريده
ج
جير وخفت يفلان كبر اليطمك *** كله على شان اهواك اتموت امك