زيــــــــــــــــــــــــارتكم تــــــــــــــــــسرنا ... والــــــمشاركة تشرفـــــــنا

مـــــــــــنتدى عــــــــــــــــــــام
 
الرئيسيةس .و .جبحـثالتسجيلدخول

شاطر | 
 

 قصيدة روعة

اذهب الى الأسفل 
كاتب الموضوعرسالة
عراقية وافتخر
المشرف
avatar

نقاط : 200

مُساهمةموضوع: قصيدة روعة   الأحد نوفمبر 16, 2008 2:37 pm

بعد ما ريد فيزه ولا لجوء انسان

.............. عمت عين الاقامه الدنست صيتي

واشكر كل صديق وكل خوي وكل جار

.............. قفل بابه ورفض يقبل عراقيتي

خلف الله عليكم والوكت دولاب

.............. لا بد يوم ينزل بيكم ارضيتي

لان اول امس كل البشر خدام

.............. جانوا للعراق واكلوا ابيتي

جان الضيف عندي مكرم ومهيوب

.............. فوگ الراس اشيله وهاي تربيتي

ما داعي اسولف وانه ابو النهرين

.............. ياهو الما سمع اخبار حنيتي

بعد بصمات اديهم والطبع موجود

.............. من جانوا جياع بوسط صينيتي

يا دنيه حرام ومنكر ومكروه

.............. اذا ابن العراق اليوم وطيتي

معقوله نسيتي اسم العراق بساع

.............. لو مثل البشر همّن تناسيتي

ميفيد الحچي ولا تنفع الچلمات

.............. راجع يا وطن لترابك الزيتي

راجع يا حبيبة گلبي يا بغداد

.............. وادرى بكثر ما ونيت ونيتي

وادري لوحّدج عفناج صار سنين

.............. وادرى من الحزن تابوت سويتي

جيب الاغتراب وحطه بالتابوت

.............. يا غربه العراق شكثر اذيتي

ما اعيش ابّحر مالح طعم يا ناس

.............. انه بسجن الفرات وفقط حريتي

وترابي ذهب والگاع من ياقوت

.............. ومن ثوب الكرامه البسهه بيريتي

واذا گالوا لترجع والوضع مو زين

.............. اگول اني الوضع والزين تاليتي

وميهمني بعد ليصير خلي يصير

.............. طعم الموت اشرف من هجر بيتي

أموت بوسط خوتي ويا حلاة الموت

.............. من اجمع اهلنه واكتب وصيتي

وصيتي لو متت لتچفنوني چفان

.............. لفوني بعلمنه وهاي امنيتي

واذا تردون اليه بهالگبر ارتاح

.............. امانة الله دفنوا وياي جنسيتي

Evil or Very Mad
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الموج
المدير العام
المدير العام
avatar

نقاط : 460

مُساهمةموضوع: رد: قصيدة روعة   الأحد نوفمبر 16, 2008 3:00 pm


هاي ادموعي ردت عليج قبل القلم
سلمت يداج عراقيه على هل كلمات الجميله
مع خالص تحياتي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://adyan.yoo7.com
 
قصيدة روعة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
زيــــــــــــــــــــــــارتكم تــــــــــــــــــسرنا ... والــــــمشاركة تشرفـــــــنا :: ~*¤ô§ô¤*~منتديات الشعر ولاْدب~*¤ô§ô¤*~ :: قسم الشعر الشعبي والدارمي-
انتقل الى: