عراقية وافتخر المشرف
نقاط : 200
| موضوع: ابوذيات حلووووووات الإثنين نوفمبر 17, 2008 9:26 am | |
| حلو يهيّج لهيب الروح لومال
يتعبني امن اشوفه بكدر.. لومال
لو ان ينباع خلّي بمهجه..لو مال
انا الشرّاي.. وعيوني الهديه.
يريت مفاركَ الخلاّن لاكان
ولا انياب الحزن بالروح لاكن
اريد اتبعهم بهالساع ..لكن!!
جفو وديارهم ضاعت عليه.
ثمين وتبقه بعد اثمن ورثمن وخدك بالحسن كلي ورث من اوياك اتعارك وازعل وره ثمن دقايق واني صبري ايخون بيه
عليك الروح ملهوفه وشرهه واترك نية التكره وشرهه دمعتك طشهه بجفوفي وشرهه لأن دارك دليلي وموش اليه
عليك القيت حجة والقيامة يا ما براسك احجي والقيامة تدري الحشر يمتة والقيامة القيامة والحشر من تزعل عليه
سيف الدهر خلاني بلادين وابعدني عن اهلي بلادين صبحت مطلوب للعالم بلادين وحتى الردي يهز يده علية
كلبي صار بسمك يعني مالك وشنهو اللي بقالك عندي مالك عشت بقصر حبك وانته مالك ورضيت بجورك وضلمك عليه
حلات الشعر لوبالريح يفراك وكتلنه الهجر يمته الفرج يفراك تجي لوما تجي مابعد يفراك الفرق لمن ترد العمر ليه
يصاحب لاتظن مسرور بعداك وعسى سم الزهر يندار بعداك شيطفي الكلب من نار بعدك يطفيها الوكت من ترد ليه
صرت دم المشه بداخل وريدك... ومثل متريد مشيني وريدك... فراكك حيل مرمرني وريدك... على جروحي تدوس بلا خطيه
حبيب الروح عني البال ماظال دربة بعمري ابد فد يوم ماظال اريد ابجي ودمع بالعين ماظال بجيت عيوني من غصبا عليه | |
|