زيــــــــــــــــــــــــارتكم تــــــــــــــــــسرنا ... والــــــمشاركة تشرفـــــــنا

مـــــــــــنتدى عــــــــــــــــــــام
 
الرئيسيةس .و .جبحـثالتسجيلدخول

شاطر | 
 

 قبلة العشااااااااااااااااااق روووووووعه

اذهب الى الأسفل 
كاتب الموضوعرسالة
عراقية وافتخر
المشرف
avatar

نقاط : 200

مُساهمةموضوع: قبلة العشااااااااااااااااااق روووووووعه   الثلاثاء نوفمبر 18, 2008 2:28 pm

قبلة العشاق

انثرلي الشعر خليني اضيع اوياك
واحضني حضنت الشوگ واللهفه

وغنيلي على مايك والجمال البيك
واحچيلي اشتضم ابروحك الترفة

اذا زفة عرس بالعمر مره اصير
انا كلما اشوفك اطلع ابزفة

بشفافك لحن تصفن عليه الاوتار
مو ياهو اليجي عل عود ويعزفة

وبعينك بحر غرگ سفن شمات
واذا ترمش برج ايفل تجي رجفة

اذا تلزم ادية انذوب اني وياك
چن ايدينه شفه وتهمس الشفه

واذا تنجرح مره الجرح بيه ايصير
واگلك اني جرحك وگفت نزفه

مشكلتي احبك مرتبط وياك
مثل عثگ التمر متغطي بالسعفه

طولك نهر دجلة اعله الفرات ايريد
يتمشة ابدلع متكاسر بخفه


وتخافك الناس اشلون تحچي وياك
لان اصلك شريف وعفتك عفه

يا بيت اليلمني من الزغر لليوم
ناس شگد تجيك اجناس مختلفة

ما سديت بابك لا گلت مليت
ولا چفك اجه للعوز مد چفه

اسمك من اگوله أحروفه تحچي وياي
وتسلم عليه وداخلي آتچتفه

اسمك أبجديه وحير الأوصاف
واليكتبك لازم يمتلك حرفه

اذا يكتب عراق ايسمي بسم الله
ويقره الكرسي كلهه اجلال بالوكفه

هذا انت العراق وبيه دوم اتعيش
وغير اسمك هويتي اترفضه وتحذفه

يا اصل الحضارة ومنبع التاريخ
تكوينك الاهي من الذهب اصفه

ودروسك عبر علم اجيال اجيال
حظنك ما عرف اجيال متخلفه

ينخيك بشدايد لليمره العوز
توگفلة صدر لا ما تگف خلفه

سحرك سحر سومر بابل واشور
واذوب بهوى طيفك لو يمر صدفه

يالشايل كلب طيب ومحنه وشوك
مثل ام الابنهه اتعانقه باُلفه

اليفديك عمره وروحه واغلى الناس
لا والله وغلاتك ابد ما وفه


شلت البصرة تاج ومثل للسياب
وكردستان حضنك بالبرد تدفه

بغداد أعله صدرك قبلة العشاق
والي يزور صدرك كل مرض يشفه

ديوان الرمادي بچفك مخليه
والماعرف شخصك خل يجي انحلفه

بينه ارض الحسين وعلي والعباس
كل احنه بوطن شايل جبل چتفه

هيجي إني من احبك يا عراق الخير
والحبك فرض بس بيك يتكفه

Evil or Very Mad Evil or Very Mad
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
حلوه_ودلوعه
المـــــشرف العـــــام
avatar

نقاط : 151

مُساهمةموضوع: رد: قبلة العشااااااااااااااااااق روووووووعه   الجمعة نوفمبر 21, 2008 9:07 am


هيجي إني من احبك يا عراق الخير
والحبك فرض بس بيك يتكفه

روووووووووعه
سلمت ايدج حبيبتي
دلوعه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قبلة العشااااااااااااااااااق روووووووعه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
زيــــــــــــــــــــــــارتكم تــــــــــــــــــسرنا ... والــــــمشاركة تشرفـــــــنا :: ~*¤ô§ô¤*~منتديات الشعر ولاْدب~*¤ô§ô¤*~ :: قسم الشعر الشعبي والدارمي-
انتقل الى: