زيــــــــــــــــــــــــارتكم تــــــــــــــــــسرنا ... والــــــمشاركة تشرفـــــــنا

مـــــــــــنتدى عــــــــــــــــــــام
 
الرئيسيةس .و .جبحـثالتسجيلدخول

شاطر | 
 

 رسالة الى جميع المغتربين

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
سفير الجنوب
نائب المدير العام
avatar

نقاط : 250

مُساهمةموضوع: رسالة الى جميع المغتربين   السبت نوفمبر 22, 2008 9:16 am

رسالة الى كل المغتربين خارج العراق


ياليل هم رجعت شتريد وك ياليل
من وحشتك شيبت و الحيل ما ظل حيل
مثل الرماد اشتعل و ابقى احترك كلي
من اذكر امي الصبح من تكعد تصلي

&& يجاوبـــــــــــــــــــــه&&

يا ما نصحتك انا , تذكّر شنساك
كتلك بلادك ذهب هو الذي سواك
و انت ابن هذا البلد لا تنكر الرباك
غشوك وصفوا الك دنيا و سعادة و خير
ما تدري شما هجر لازم يعود الطير

&& يردلــــــــــــــــــه&&

هسه انا وين اصبحت عنهم و وين اهلي
بس عين عندي بقت منها الدموع تسيل
اشتاكيت لاهلى انا و لكعدت اخواني
و كلمة هلا و مرحبا بشفاف جيراني

&& يجاوبــــــــــــــــه&&

شوداك لاهل الغرب شتسوي رحت هناك
من ترجع من الشغل منهو اليتلكاك
امك تحضر الغدة و اختك تصبلك ماي
جاي انت من الشغل مية هلا بهالجاي
و كلشي محضر الك و كاوي لك هدومك
و ابنك يشبكك شبك و يشاركك نومك

&& يردلـــــــــــــــــه&&

شتاكيت لاهلي انا و لكعدة اخواني
و كلمة هلا و مرحبا بشفاف جيراني
ملعون هذا الزمن ليوين وداني
خلاني اخلص الوكت بالحسرة و الياويل

&& يجاوبــــــــــــه&&

تشوفهم بالغرب كل واحد و ربعه
تكعد و مالك ربع و بعينك الدمعة
مو جنا نطلع سوة للجامع الجمعة
و الثوب ابيض حلو و من تمشي شمحلاك
اي لعد ما تكلي منو الوداك هناك

&& يردلـــــــــــــــــــه&&

الليل بس يم هلي ثوب الفرح لابس
و محلاهه من تنسمع صفارة الحارس
زاد اهلي طيب يظل لو بس خبز يابس
و مكره زاد الغرب بالمنة و التذليل

&& يجاوبـــــــــــــــه&&

ببغداد عدنا حلو لمن يصير غروب
عالجسر فوك الجسر تمشي انت و المحبوب
و دجلة تحضنك حضن و تحس العمر ما فات
و محلاهه لمت هلك و كاعد بالكريعات

&& يردلـــــــــــــــه&&

شتاكيت انا لموطني و احسد اللي شافة
و لماي دجلة العذب من تشربه تتعافه
يا ريت منه العسل لو رادن شفافة
و انا الك مشتاك يا جاي ابو الهيل

&& يجاوبه و هنا يحسمها&&

و لو تجي و تفتر بعد و تدخل على المنصور
طيبة و حنان و عشك و طيور احلى طيور
و العيد عدنا حلو والله يا عيدي
يله نقارن سوة و ايدك تظل بيدي
ايفل و برجه و هله و لندن و كل تكساس
يروحون فدوة و نذر لشارع ابو نؤاس

اخخخخ يالغربه اسويتي بيه مو راح اموت
شوكت نرجع ربي



geek

_________________


ان كان حبي للعراق جريمةً فأعتبروني اول مجرم


:IRAQI ANA SAFER ALJNOOB:
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عراقية وافتخر
المشرف
avatar

نقاط : 200

مُساهمةموضوع: رد: رسالة الى جميع المغتربين   السبت نوفمبر 22, 2008 2:31 pm

geek geek
اي والله ماكو احلى من العراق
كطعت كلبي والله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سفير الجنوب
نائب المدير العام
avatar

نقاط : 250

مُساهمةموضوع: رد: رسالة الى جميع المغتربين   الأحد نوفمبر 23, 2008 12:19 pm

صحيح والله ماالنة غير العراق
الله يكون بعونه
مشكورة على التواجد

_________________


ان كان حبي للعراق جريمةً فأعتبروني اول مجرم


:IRAQI ANA SAFER ALJNOOB:
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
رسالة الى جميع المغتربين
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
زيــــــــــــــــــــــــارتكم تــــــــــــــــــسرنا ... والــــــمشاركة تشرفـــــــنا :: ~*¤ô§ô¤*~منتديات التعارف ولاصدقاء~*¤ô§ô¤*~ :: قسم استراحه المغتربين-
انتقل الى: