اجمل الدارميات متنوعة اذا ماتقر تخسر

المشرف نقاط : 0

*يا روحي غيبي بعيد ويْ شمس الغروب
والماتشوفه العين تسلاه القلوب ..

*صار القريب بعيد قل شوفي يا هواي
ما اوكد الماعون بيه لبن يو ماي

*أثري البنات أشكال مثل الجِفافي
بيها التخون بساع وبيها التوافي ..

ياسمر فراقك ليش روحي جرحها
صابر ودمع العين غصبن فضحها

يالفارقتني الروح بعــدك جريحه
بعـــدك طريح افراش جني ذبيحــه

يـاخلي لـو صـديـت قـلـبي يريـدك
مـوت وحـيات الـروح ياخلي بيدك

قـلـبـي عـلـيـك يـنـوح مانام لـيـلـه
مسألتي انا وياك صارت طـويـلـه

-*-*-*-*-*-*-*-*-*-*-*-*-*-*-*-*-*
ارد انشد الدكتور الدمع من دم
ليش السواد يلوك للما عليه هم

اسود يلوك عليج من تلبسينة
السيد اذا لاكاج يكفر بدينه

اسود لبستي ليش والجنطة سودة
ميت حبيب الروح لو هية مودة

بدموعي اغسل هواي وبيدي اجفن
وللنجف ما وديك وبقلبي ادفن

لجل الضوا البنار ضون يلشموع
لا حس ولا احاه بس كت الدموع

مر كم شتا وكم صيف وانا برجا هواي
من عادة النهران ما تنكر الماي

لا لا تهيج الروح خليهه واسكت
واشتظن بالتبليط الشجرة تنبت

لا لا تهيج الروح خليها سكته
وجناحي كان جناح وانته الكسرته

-*-*-*-*-*-*-*-*-*-*-*-*-*-*-*-*-*
لو ردت عني تروح الكَالي صبريـن
واحد يصبر الروح والثاني للعيـــــن

لو تدري قلبي اشلون لجلك حمل هم
جا قلبك بهالساع طك ونــــــزف دم

حبك يماي العين اصبحــــــلي سلوة
والهج باسمك دوم سويته غنـــــــوة

ميهمني حجي الناس وشما يكولــون
صرنا بجسد روحين حكهم ميدرون

مودتنا شفاكَة وانــــــــــت منه
ونحب توصل الحينا وانت منه
محسوبين منك وانــــــــت منه
جس نبضك تجــــد ما بيك بية

-*-*-*-*-*-*-*-*-*-*-*-*-*-*-*-*-*
يمسافر الله وياك بسم الله محروس
يا شفة بعد شفاك تستاهل البوس

كافي سفر يفلان مو كافي ترحال
ابقى ادور عليك يا اعز جتـــــــــال

المدير العام نقاط : 460

يسلمووووووو مون كلج ذوق عاشت ايدج على

اجمل الدارميات متنوعة اذا ماتقر تخسر Iraqup.com_20081101_Oxx2w-Q6A6_972069676

هل دارمي الحلو

عضو منطلق نقاط : 0

نايس نايس موضوع عاشت الايادي الجميله ونتضر ماهوه جديدوجميل منكم ورود

» جبتلكم احلى الدارميات العراقيه
» & يا اجمل حلم &
» يا اجمل قصيدة
» صورة اعضاء المنتدى بكامرة كيت كات
» من اجمل قصص الحب على النت