وداعة الله

ِ


وداعة الله
يل خذت وياك روحي
ويل بقت روحي اعله دربك
ومدري شتسوي اعله دربك ؟
وداعة الله
وكلمن يكلك راح احب واح بدالك
كله ... لا
وكلمن يكلك خاطري يطيب بغيابك
كله ...لا
وليكلك راح انسه بيوم شخصك
كله ... لا
يا اعز مخلوق وتوسد ضلوعي
بليل وحشه
وياسفينه وعني بعدت
واني مشتول اعله الجرف
وضنوني مرسه !!
ووين يلرايح شكلك
ومدري شيدور بخيالك
ويادلالك !
ومن يجيني الليل احيرن وين انام !
وكل كتر بالبيت اسمعه يصيح بسمك !
ووين مااديرن عيوني الكي رسمك
وساكن بنص روحي رسمك !
وداعة الله
وكلمن ابعدك عني خصمه الله ...